Mykje av opplevinga ved å reisa er folk ein møter undervegs, anten dei er lokale

• som jenta i Bandung som gjekk på hotellskule og ville starta sitt eige hotell i framtida, var truande msulim og las Koranen på arabisk, men foreløpigh levde glade dagar med festing til den lyse morgon
• eller ungguten frå Sumatra som hadde flytta til Gili Trawangan for å sleppa unna familiens press om å gifta seg, få seg jobb og verta respekttabel - på Gili Trawangan kunne han leva ut ideala til sitt idol Bob Marley
• eller turistguiden i Saigon som sparte til moped fordi han ønske seg ein kjæreste - det var nemleg det jentene såg etter
• eller den kinesiske jenta som studerte til å verta engelsklærar og budde i eit eige jenteinternat på universitetsområdet
• eller arkitekten i Bangalore i India som hadde starta eige firma og vorte nyrik, høyrde på Dire Straits i walkman'en sin og tok seg ein pils med kompisane på stampuben etter arbeidstid
• eller ...

• som den danske 19-åringen som hadde vorte verande tre månader i Jakarta fordi han hadde fått seg kjæreste der - ho var ein berømt fotomdell som levde eit jetset-liv med villa med mange tjenarar, hyppige nattklubbesøk og aukande narkotikaproblem
• eller den engelske pensjonisten som hadde solgt huset og no var på vei til Molukkane for å tilbringa sine siste leveår der
• eller den kanadiske jenta som reiste Asia rundt med videokamera og intervjua andre reisande for å finna ut kvifor dei reiste
• eller amerikanaren som hadde teke eit år som utvekslingsstudent i Japan, hadde fått jobb i Sony og hadde vorte verande i fem år, men hadde no gått lei og reiste på måfå rundt i verda i eit års tid mens han tenkte på kva han ville og kva land han ville det i
• eller den tyske flygaren som vart pensjonert då han var 42 og hadde dei siste 7 åra reist verda rundt på pensjonen sin
• eller det israelske paret på tre månaders bryllupsreise
• eller den amerikanske barneskulelærerinna som gjekk lei, hadde no reist i fem år, fått rastafletter og høgt urteforbruk
• eller den svenske jenta som hadde vore ein "åndeleg søkar" sidan ho var 19, budde no på eit New Age-senter i Sverige og var på pilegrimsferd i India
• eller den ungarske sanskritdoktoranden som reiste sør-India rundt for å sjå på tempel
• eller..